Sakpas Intermittent Fasting 21 Dag Plan

Met ons “Intermittent Fasting” of bekend as die Onderbroke vastingsdieet gaan La Ferm jou help om op ‘n veilige manier te vas, gewig te verloor en jou metabolisme ‘n hupstoot te gee. Jy gaan na die 3 weke VARS voel, LIGTER leef en GESONDER wees met die bonus om daardie oortollige vetjies af te skud.

Met die plan volg ons die 5:2 afwisselende vastingsregime met ‘n opwindende sakpas formaat, spesiaal vir wanneer die begroting mooi moet klop. In plaas van dat ons ‘n voorgeskrewe spyskaart vir die 3 weke gee, gaan hierdie eetplan opsies gee vir die nie-vas, vas, en naweek dae. Dit beteken dat jy self sal kies watter dag se spyskaart jy verkies en ook die dae kan herhaal waarvoor jy nog bestanddele in jou yskas oorhet. Sakpas met ’n ekonomiese inkopielys en geen vermorsing!

Voordele van die plan:

Ons het fantastiese resultate met die plan, tussen 1.5-4kg verlies per week, bo en behalwe die volgende:

• Die geheim tot gewigsverlies is dat jou lyf na slegs ‘n paar uur sonder kos die meganismes afskakel wat vet stoor, en diè aanskakel wat vet verbrand.
• Verminderde risiko vir hartsiekte – onderbroke vasting lei tot verlaging van LDL-Cholesterol asook verlaging in bloeddruk.
• Verminderde risiko vir sekere kankers a.g.v. verlaging van Insulien-agtige groeifaktor 1 (IGF-1).
• Verbeterde insulien sensitiwiteit – vasting kan ook ‘n uitwerking hê op die vlakke van die hormoon insulien, veral as verfynde suikers en stysels uitgeskakel word. Hoё insulienvlakke dra daartoe by dat die sel-omgewing verander. Selle verdeel dan te veel en verkeerd, wat weer bydra tot oorgewig. Hoё insulienvlakke gaan ook gepaard met insulien weerstandigheid. Dis iets waaraan 80% van oorgewig mense lei, en is die voorloper van Diabetes.
• Onderbroke vasting lei daartoe dat jou liggaam spiermassa behou en vet verloor- presies wat ons wil hê.
• Verbeter lewens verwagting en voorkom siektetoestande. Onderbroke vasting moet nie gedoen word deur kinders, swanger vroue, vroue wat borsvoed, diabete, bejaardes en mense met lae bloedsuiker vlakke nie.

Wat behels die Vastingsprogram:

Jy volg vyf dae lank ‘n gesonde, gebalanseerde eetplan, en vas dan twee dae. Maar die vas beteken nie jy eet niks nie. ‘n Tipiese vasdag behels twee maaltye en ‘n happie tussenin. Jou totale kilojoule inname vir die dag is 2520 kJ’s.  Die eetplan is perfek geformuleer deur ‘n dieetkundige vir ’n man of vrou, en jy hoef nie resepte uit te dink of te wonder of jy reg vas nie. Alles is gerieflik vir jou op die eetplan uiteengesit.

Geen eetplan kan sonder ’n gebalanseerde en veilige oefenplan suksesvol wees nie.   Ons oefenplan is aangepas vir die vastingsdae sodat jy so min as moontlik ekstra energie verbruik. Strekke en postuur-oefeninge word voorgeskryf vir die 2 vastingsdae. Die ander dae verbrand jy verseker vet en verbeter jou metabolisme met die oefenplan.